Davao City – Subling gipamatud an sa Kasundaluhan ang paghatag ug respito sa usa ka armadong New People’s Army kinsa namatay sa engkwentro niadtong Oktubre 11 sa Brgy. Malire, Antipas, North Cotabato.
Dihang nahatod ang patayng lawas sa NPA nga si Neljen Lubgoban alyas James didto sa ilang pinuy anan sa Sitio Napo, Brgy. Lumiad, Paquibato District, ang kasundaluhan ilawom sa 27th Infantry Battalion sa lagpanguna ni Staff Sergeant Florante C. Basco (Inf) PA mibisita gilayon ug nakisubo sa pamilya Lubgoban.
Aron nga masigurong linaw ug hapsay ang lamay ug lubong sa patayng lawas, gimando ni Basco ang paghatag ug seguridad. Isip tabang usab sa pamilyang namatayan, nagtunol ang Kasundaluhan ug usa ka sakong bugas ingon man Grocery aron magamit sa.pamilya.
Ang pamilya ug partido sa namatayng NPA, mioadayag sa ilang dakong pagpasalamat sa tabang ug kamaayong gipakita sa kasundaluhan bisan pa man nga gika engkwentro niini ang grupo sa mga NPA.
Tungod niini, ang Kagamhanan ug Kasundaluhan padayon nga nag awhag sa tanan miembrong New People’s Army nga mosurender na ug magbag ong Kinabuhi uban ang ilang mga pamilya.
Andam ang kagamhanan nga kinasing kasing nga dawaton ang mga NPA nga buot mosurender ug magbag ong kinabuhi. Andam usab ang Kagamhanan nga tabangan sila nga mabuhing malinawon uban ang ilang pamilya. (CMO 27th IB | OIC Michael Manguhig, RPN DXKT Davao)
