Misamis Oriental – NAGMABUNGAHON ang pagtapos sa Province-wide 2024 National Tourism Week Celebration sa lalawigan.
Highlight sa pagtapos ang paghatag og ganti sa tanang nahimong katimbang sa probinsya nga naghatag suporta sa maong selebrasyon.
Kini langkoban sa tanang mga Local Government Units, Tourism Officers, partners ug sponsors nga dako ang nahimong kontribusyon sa kalampusan sa kalihokan.
Samtang, gipasidunggan usab ang mga mananaog sa nagkadaiyang indigay subay sa kasaulogan.
Nahimong kampyeon alang sa Tourism Jingle Contest ang lungsod sa Medina nga girepresentahan ni original song composer CJ KaaminĚo sa iyang kanta nga âTara sa Misamis Orientalâ samtang nahimong 1st runner up ang Magsaysay sa kanta nga âPaglaum sa Turismo Misamis Oriental ikaw ang among garboâ ug Libertad isip 2nd runner up sa kanta nga âNindotas Mis.Orâ.
Samtang sa Food Souvenir Presentation Contest nahimong kampyeon ang Naawan sa ilang -âTriple M Chocolate Nougatâ, nahimo usab nga 1st runner up ang Tagoloan sa ilang âButong Butterscotch Spreadâ ug Gingoog City isip 2nd runner up sa ilang âCoco Bitesâ.
Alang sa Lutong Bahandi-Culinary Cookfest nahimong kampyeon ang lungsod sa Claveria sa ilang âTinuktok ala Hamugawayâ, 1st runner up ang lungsod sa Manticao sa ilang âHomba de Gata with Mashed Camote in Coconut Cream, Atchara de Buco and Coconut Twirlâ ug 2nd runner up ang lungsod sa Tagoloan sa ilang âGinataan Inun-onang Pigok og Butongâ.
Nahimo usab nga kampyeon sa Photography Contest si Mr. Joram Labrado gikan sa Initao sa iyang pagcapture sa Fish Port sa Initao samtang nahimong 1st runner up si Timothy Glenn Palacio gikan sa El Salvador City sa iyang capture sa Divine Mercy Shrine ug 2nd runner up si Mr. Prince Keemer Aroma sa Lugait sa iyang capture sa bibingka.
Kabahin kini sa tinguhang makubsan ang kalisod sa lalawigan subay sa SDPI Program ug sa PAGLAUM Development Agenda ni Governor Peter âSr. Pedroâ Unabia sa letrang âGâ kon Goal-oriented Tourism Development.