An Schools Division of Surigao del Norte nagpahigayon sa ila World Teachers’ Day Culmination Program sa Provincial Gym. Didto sa programa si Gov. Robert Lyndon Barbers sanan Vice Governor Geed Gokiangkee.
An maong programa naghatag nan higayon para ipahayag an tinuod sanan mapasalamaton na pagtahud sa mga magtutudlo na wayay hunong na naghatag sa ilang kaalam sanan kinaadman para sa kaugmaon sa mga kabataan.
An mga magtutudlo, giila na mga bag-ong bayani sa katilingban, jaoy daku na papel sa pagdasig sanan pagpalig-on sa mga batan-ong huna-huna. Ini na selebrasyon isa ka pasidungog para sa ila.
Didto an OIC Schools Division Superintendent Mr. Manuel O. Caberte pati na an lain lain na mga magtutudlo sa lain lain na mga pampubliko na eskwelahan sa tibuok probinsiya. (Mark James Lisondra)