Nasa 3 patay, 140 sugatan sa pagtama ng M6.4 na lindol sa Albania

Nasa tatlo katao ang nasawi habang nasa 140 iba pa ang sugatan sa pagtama ng malakas na lindol na naramdaman mula Albania hanggang Macedonia ngayong araw ng Martes, November 26.

Ayon sa US Geological Survey, ang pagyanig ng magnitude 6.4 ay naitala sa layong 12-kilometro hilagang-kanluran ng Durres at 30-kilometro ng hilang-silangan naman ng Tirana, Albania.

Naramdaman rin ang malakas na lindol sa Montenegro, Kosovo, North Macedonia at Greece.

Samantala, wala pa namang napaulat na pinsala at aftershocks matapos ang malakas na pagyanig.