Zamboanga del Sur – Gibutyag ni Communication Information System Office Chief Justine Herrera adlawng Lunes nga mokabat na sa 885 users ang nakakakonek sa free Wi-Fi access sa tibuok Zamboanga del Sur.
Sa ilang pagmonitor sa 885 ka users sa Victory Wi-Fi stations nga nataud, dunay upat ka lugar ang nakitaan og labing dako nga bandwidth consumption kun kusog mogamit sa Wi-Fi ilabina sa pagdownload. Kini mao ang mga barangay sa Capisan (Tabina) diin maoy nag-una nga nakahurot ug 198Gig, ikaduha ang Brgy. Upper Sibatang (Pagadian) sa konsumo niining 158 GB ug ikatulo mao ang Brgy. Lumad (Pagadian) sa konsumo nga 154Gig. Anaa sa ikaupat nga pwesto mao ang Brgy. Buburay (Dimataling) nga nakakonsumo og 151 GB.
Samtang ang ubang mga kabarangayan dili kaayo tag-as ang nakonsumo.
Nagpasabot kini nga mas gipili nila ang paggamit sa libreng Wi-Fi station kompara sa mga piso Wi-Fi.
Ang Victory Wi-Fi libre alang sa tanan isip pagtubag sa pangihanglanong edukasyon o pagtuon alang sa mga kabataan. Inisiyatiba kini ni Gov. Victor Yu aron matabangan kadtong buot mokutay sa internet aron masayran ang magkadaiyang natad sa impormasyon samtang nagpadayon ang modular ug online learning.
(Source: ZDS Press Bureau, photo courtesy of Victory Zamboanga del Sur)