Manamnama a saan ton a mapasaran pay iti masansan a panagreggaay ti daga iti paset na ti Pasian ken Pasaleng idiay Pagudpud no adda iti napigsa a tudo apaman a malpas ti matartarimaan a proyekto iti nasao a lugar.
Daytoy ti pammati ni Mr. Marcel Tabije, Local Disaster Risk Reduction Management Officer iti Provincial Resiliency Office iti panagbalin manen a one lane ti Manila Road iti Sitio Banquero itay kallabes kalpasan ti panagtudona iti napigsa.
Kunana a mannarimaan iti konstraksion ti ‘’protection’’ dagiti istraktura a naipasdek pay laeng dagitoy idi panawen daytdi sigud a Presidente Ferdinand Marcos.
Kunana a mangrugin nga agrukup iti istraktura a pagnaan ti agreggaay a daga a manggabur iti kalsada no adda ti napigsa a tudo.
Innayonna a daytoy ita ti agdama a programa ti gobierno probinsial iti liderato ni Gob. Matthew Marcos Manotoc ken ti gobierno nasional ti pannakaipasdek iti permanente nga istraktura a mangproteher ti kalsada apaman a malpas iti proyekto iti paset na ti Pansian ken Pasaleng idiay Pagudpud. (Rodrigo Sadian, RPN DZRL Batac OIC)
(Source: Provincial Government of Ilocos Norte)