Nagpabilin pa gihapong luwas sa Delta variant sa coronavirus ang Soccsksargen area.
Atol sa gipahigayong media briefing, gibutyag ni Department of Health Undersecretary Maria Rosario Vergeire nga natala na sa 13 ka mga rehiyon sa tibuok nasud ang maong mas kuyaw nga variant sa Covid-19.
Kini ang gilangkuban sa Ilocos Region, Cagayan Valley, Central Luzon, Bicol Region, Central Visayas, Eastern Visayas, Western Visayas, Zamboanga Peninsula, Northern Mindanao, Davao Region, Calabarzon, Cordillera Administrative Region ug sa National Capital Region (NCR).
Sa kasamtangan matod pa, anaa na sa 450 Delta variant cases ang natala sa nasud, diin, 426 sa mga niini ang naka-rekober na; 10 ang nakabsan sa kinabuhi ug 13 ang aktibong kaso. (DOH 12)