Mount Apo Temporaryong Isarado Sa Mga Mountain Climber Sugod Karong Adlawa

0
63

Davao City— Gisugdan na karong adlawa sa Protected Areas Management Board ilawom sa Department of Environment nad Natural Resources ang pagpatuman sa temporaryong pagsarado sa Mount Apo gumikan sa El Nino Advisory sa  Philippine Atmospheric, Geophysical and Astronomical Services Administration kun Pag-asa.

Gikan sa Facebook Post sa DENR Provincial Environment and Natural Resources Davao del Sur nga sugod karong adlawa gidid-an na ang pag- Camping, Climbing ug Trekking sa bukid sa Mount Apo nga giilang Highest Peak sa tibuok nasud. Kini aron malikayan nga masubli pa ang Forest Fire ning panahon sa Summer nga grabeng nasinati ang kainit sa panahon.

“The joint Davao del Sur and Davao City Sub-PAMB Ex officio members’ meeting has affirmed the resolution for the temporary closure of Mount Apo Natural Park’s (MANP) camping, climbing and trekking activities effective April 1, 2019,” pinasubay sa napatik sa Facebook Account.

Kahinumduman nga una nang nasunog ang halos 115 ektaryang bahin sa Mount Apo niadtong niadtong Marso sa tuig 2016 nga giituuhang hinungdan ang pagka iresponsable sa pipila ka mga Mountain Climbers.

Nasayran nga ang Mount Apo dunay pito (7) ka mga Trails pasaka sa Mount Apo nga naglangkob sa Sta. Cruz, Bansalan ug Digos City sa Davao del Sur, Kidapawan City, Makilala ug Magpet sa North Cotabato ingon man sa Barangay Tamayong Calinan District ning syudad sa Davao. Ang Bukid sa Mount Apo kanunay nga ginadagsa sa mga Mountain Climbers panahon sa Summer ug Semana Santa gumikan sa taas nga panahon sa bakasyon.

Leave a Reply