Davao City— Human ang Fire Prevention Month sa bulan sa Marso, mitala sa 62 ka mga panghitabong sunog ang Bureau of Fire Protection nga mas taas ug 19.2 porsiento nga kaso kompara sa 52 ka mga kasong sunog sa nakalabayng tuig.
Sumala pa ni Bureau of Fire Protection Davao City District Fire Chief Of Operation Esequil Tabon sa pakighinabi sa Radyo Ronda nga bisan sa pagsaka sa ihap sa kasong sunog sa syudad, mikunhod usab ang damyos niini nga miabot lamang sa kapin 3 milyones pesos kompara sa kapin 6 milyones pesos sa nakalabayng tuig.
Nag-una sa talaan ang Grass Fire, Residential ug Rubbish Fire gumikan sa nag-unang rason ang kawalay pagpakabana sa katawhan diin nagpataka lamang sa paglabay sa ilang upos sa segarilyo, mga pinasagdan dinaub nga basurahan.
Sagad usab sa mga nasunog nga Residential, nag-unang rason mao ang faulty electrical wiring ingon man ang ginatawag nga octupos wiring.Pinasubay sa datus sa Burea of Fire Protection, gikan enero ning tuiga, 51 ka mga ensidente sa sunog ang narespondihan samtang 60 usa ka sunog sa bulan sa Pebrero.