31.8 C
Manila
Friday, April 12, 2024

MisOr Nag-Una Sa Pinakadaghan Nga Kabataan Ang Nabakunahan Kontra Tipdas Sa Rehiyon 10

- Advertisement -

Garbo sa Pangagamhanang lokal sa Misamis Oriental ubos sa Provincial Health Office (PHO) nga nagmalampuson ang lalawigan sa pagpahigayon og Measles Rubella Supplemental Immunization Activity nga usa sa programa sa Department of Health (DOH).

Bisan paman sa kalisod nga kahimtang karon hatod sa Corona Virus Disease 2019 (Covid-19) nag una ang lalawigan sa pinakadaghang nabakunahan nga kabataan kontra tipdas dinhi sa Rehiyon Diyes nga mokabat sa 81,975 o miabot sa 98% ang nakab-ot sa buhatan nga mabakunahan ang mga nag edad sa 9 months old hangtud 59 months old.

Kini malipayong gipahibalo ni Provincial Task Force Chief Dr. Jerie Calingasan atol sa senimanang pagpakayab sa nasudnong bandila karong semanaha sa Kapitolyo Probinsyal.

Matud niini nga ang Measles o “tipdas” ug ang Rubella gikonsiderang delikado nga sakit kay makatakod ug mahimong hinungdan sa high-grade fever, rashes, ubo, impeksyon sa mata hangtud sa komplikasyon sama sa pulmonya, impeksyon sa dalunggan, pagkabuta, grabe nga pagkalibang, ug uban pa.

Si Governor Bambi Emano uban ang PHO nanghinaot sa mga ginikanan nga suportahan ang kampanya kontra tipdas aron mapugngan ang pagkuyanap sa maong sakit ug maprotektahan ang mga kabataan sa kumplikasyon nga dala niini. (Provincial Information Office)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -