Cebu City – Giandam na ang mga sumbong batok sa unom ka suspetsado lakip sa gunman sa pagpatay kang Atty. Joey Luis Wee duol sa iyang law office sa Brgy. Kasambagan, Cebu City.
Nasayran nga ang giingong gunman nga si Fausto Edgar Benigno Peralta gitugyan na sa mga kamot sa National Bureau of Investigation o NBI-7 kagahapon.
Si Peralta unang gibalita nga nadakpan didto sa Laguna niadtong Martes sa mga ahente sa NBI Manila.
Si Atty. Renan Oliva, director ng NBI-7, miingon nga unom ang ilang nasayrang suspetsado sa krimen lakip sa mastermind.
Kon mahinumdoman, gipusil si Wee atubangan sa iyang buhatan niadtong Nob. 23.
Midugang si Oliva nga ang tanang suspetsado mag-atubang og kaso sa panagkonsabo sa pagbuno kang Wee.
Matod ni Oliva, sa unom ka gikatahapan, tulo ang ilang nailhan lakip sa gunman.
Samtang ang laing tulo, hulagway pa ang anaan ila ug base sa pa mahayag sa saksi, ang tulo kauban sa tulo nga unang nailhan busa paninguhaon nilang makuha ang mga ngan niini.
Nagkanayon ang NBI-7 director nga ilang nasubay ug nailhan ang mga suspetsado human makahipos og testimonial, documentary ug electronic evidence. (Jhon Tadlip/JTY)
(Source & photo courtesy of NBI-7)