29 C
Manila
Saturday, April 20, 2024

Misor Apektado Sa Taas Nga Kaso Sa COVID-19 Sa Cdeo

- Advertisement -

Nagpagawas ning bag-o lang ang Philippine Information Agency- 10 (PIA-X) og datos diha sa sa social media nga kalabot sa nag-unang napulo ka mga siyudad ug lungsod sulod sa Northern Mindanao nga adunay pinaakataas og kaso sa Corona Virus Disease (Covid-19).

Sa maong datos, makita nga ang dakbayan sa Cagayan de Oro maoy nag-una sa adunay pinakataas nga kinatibuk-ang kaso sa maong virus kung asa adunay natala nga 3,066 (37.35%) nga kumpirmadong kaso taman sa Enero 12, ning tuig.

Misunod ang syudad sa Iligan nga adunay 1,041 (12.68%) ka mga kaso, siyudad sa Valencia nga adunay 313 (3.81%), siyudad sa Oroquieta nga adunay 286 (3.48%), siyudad sa Gingoog nga adunay 281 (3.42%), siyudad sa Malaybalay nga adunay 241 (2.93%), siyudad sa Ozamis nga adunay 219 (2.67%), munisipyo sa Manolo Fortich (Bukidnon) nga adunay 171 (2.08%), munisipyo sa Tagoloan (Misamis Oriental) nga adunay 147 (1.79%), ug uwahi sa top 10 ang munisipyo sa Opol (Misamis Oriental) nga adunay 142 (1.73%).

Gawas sa siyudad sa Gingoog nga anaa sa ikalima nga puwesto makita nga ang munisipyo sa Tagoloan ug Opol sa Misamis Oriental nalakip sa adunay mga nag-unang kaso sa probinsya kini tungod kay ang maong mga munisipyo maoy mga boundaries pasulod ug gawas sa Cagayan de Oro.

Gibati og kabalaka si Gobernador Bambi Emano gumikan ang taas nga kaso sa dakbayan sa Cagayan de Oro makaapekto og dako sa tibuok lalawigan sa Misamis Oriental.

Gani man basi sa pag-susi sa Provincial Inter Agency Task Force nasuta nga kadaghanan sa kaso sa COVID-19 sa probinsya adunay travel history sa maong siyudad.

Gumikan niini padayon nga nagpahimangno si Governor Bambi uban ni Provincial Task Force Chief for COVID-19 Dr. Jerie Calingasan ngadto sa katawhan sa lalawigan nga kung dili importante ang lakaw dinhi sa siyudad dili na lamang usa mobiye.

Lakip sa gimando nga mas pahugtan pa sa katawhan ang striktong pagpatuman sa mga gabayan aron nga maluwas ang pamilya, ug tibuok katawhan sa makamatay nga virus. (PIA-10)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -