“50% is better than no vaccine at all,” kini ang gibutyag ni Governor Bambi Emano atol sa virtual nga pagpakayab sa nasudnong bandila sa Kapitolyo Probinsyal niadtong adlaw nga Lunes, Marso 15. ning tuig.
Panawagan karon sa amahan sa lalawigan ngadto sa katawhan sa Misamis Oriental nga magpabakuna sa higayon nga moabot na ang alokasyon nga gikan sa kaulohan alang sa lalawigan gumikan iyang mapasalig ug nakita nga luwas ang maong mga bakuna.
“So I’m calling all our people in the province of Misamis Oriental may it be AstraZeneca, Sinovac, gisuwayan na nila kaluoy sa Diyos maayo,” matud ni Governor Bambi ug miingon nga dili angayan mahadlok.
“Nag-antos na ang atong mga taga 8 Provincial Hospitals nga nagpabakuna kaluoy sa Diyos maayo ilang lakaw nanawagan ko sa atong probinsya nga kung mo-abot ang inyong alokasyon sa bakuna pagpaturok, pagpa-inoculate mo kay 50% is better than no vaccine at all.” dugang sa Gobernador.
Dili sab matungkad ang pagpasalamat niini gumikan sa sakripisyo nga gihatag sa mga personahe sa walo ka mga balay tambalanan sa probinsya nga maoy nanguna sa pakigbatok niining giautabang nga krisis sa panglawas.
“I had been very proud and thank you very much sa tanan trabahante nato sa PHO and sa tanan Chief of Hospital. I will show you how the people of Misamis Oriental will thank you. We’ll just finish with the challenges today, we will make it worth your while.” dugang mensahe sa amahan sa lalawigan.
Kauban ang IATF sa Misamis Oriental nga gipanguluhan ni Dr. Jerie Calingasan, gihinaot ni Governor Bambi nga makumbinsi ang katawhan nga magpabakuna batok COVID-19 tungod kay kini nakitang solusyon nga mabalik na ang katawhan sa normal nila nga panikay-sikay sa ilang panginabuhian.
(Provincial Information Office – MisOr)