Dakong kalipay sa katawhan sa Barangay Datal Anggas, Alabel, Sr. Province sa pagpahigayon ug serbisyong caravan para sa Sarangani sa pinakabukid ug pinakatumoy nga lugar boundary sa Don Marcelino Davao Occidental isip tipik sa EO 70 ni Pangulong Rodrigo Duterte kon whole of nation approach NTF ELCAC kauban ang LGU Alabel, Provincial Government ug gipangunahan ni Deputy house speaker Congressman Rogelio Pacquiao ug mga national agencies.
Daghang dala nga serbisyo atol sa maong pagbisita susama sa medical, TESDA graduation sa mga skills training, kasalanan ng bayan ni Mayor Vic Paul Salarda, paghatag ug seedlings sa abaka pinaagi sa 73rd IB Philippine Army, LTO applications for drivers license, ug uban pa isip pagpaduol sa gobyerno ngadto sa katawhan.
Mas labing na interest ang mga tawo sa dihang nadunggan ang pakihpulong ni Congressman Ruel Pacquiao nga dili siya mo undang ug paghakot ug pundo gikan sa national para sa Sarangani Province ug sa maong Barangay. Gibalita usab niini ang budget para sa tulay, kalsada kon pagsemento sa nahabiling upat ka kilometro padulong sa Datal Anggas.
Samtang tungod sa kakaraan na sa kahoy nga barangay hall sa Datal Anggas, nisaad kining iyang butangan ug pundo nga 2 storey building ang barangay hall kon multi -purpose ug kini tataw nga gikalipay sa katawhan ug mga opisyales sa barangay gipangunahan ni Kapitan Roldan Salimama.
Samtang gibalita usab sa NTF ELCAC ilabina sa DILG ug TESDA ng tungod cleared na ang maong barangay sa communist insurgency aduna kini madawat nga pundo nga 20 million pesos alang sa barangay development niining tuiga sa 2021.
Gilayong nahukman sa mga barangay officials nga proyektong patubig kon water system ang ilang dapatanan sa maong kwarta. samtang namahayag usab si RD 12 Tesda Rafael Abrogar nga ipadayon ang pag conduct ug skills trainings sa maong lugar ilabina sa mga IPs kon indigenous people nga maoy mayorya nga nagpuyo sa maong dapit.
Dakong pasalamat ni Kapitan Roldan Salimama sa maong tabang sa ilang lugar bitbit ni Congressman Ruel Pacquiao.
Gipasalamatan usab ang liderato ni Governor Steve Chiongbian Solon ug Mayor Vic Paul Salarda sa mga dala niining mga food packs. Tua usab didto ang mga sundalo ug kapulisan gipanguluhan ni Col. Michael Lebanan ug maoy nagpahigayon sa seguridad ilabina kay didto natulog si Cong. Pacquiao ug mga kauban lakip si Mayor Salarda.
Lauman ang daghan pang proyekto ug programa nga ipaabot sa mga bukirong bahin sa Sarangani alang sa pag uswag sa panginabuhian ilabina sa mga tribu sa kabukiran.
Apil sa maong aktibidad ang kasalan ng bayan sa Alabel ug 25 ka couple ang nabugkosan ang ilang relasyon. (Ronel Degorio, RPN DXDX GenSan Correspondent)