Iriga City – Ipinagsugo na ni Alcalde Madel Yorobe Alfelor an pagbabalasa sa pirang pamayo kan mga opisina sa city hall kan Iriga, ini kasunod naman kan magkapirang reklamong naka-abot sa opisina kan Civil Service Commission- CSC.
Inot kaini, pinagkuwestyon ni Atty. Santiago Ortega Jr., an appointment kan pirang mga head of office sa city hall na soboot dai puedi sa ley kan CSC.
Saro sa pinagtutuyaw ni Ortega iyo si Gilbert Villar na inot naman na nag-retire, alagad pinag-appoint giraray kan alcalde sa opisina kan Local Civil Registrar.
Katakod kaini, sarong memorandum an pinaluwas kan Alcalde na nagsusugo sa pagribay ki Ruben De los Santos sa opisina kan City Agriculturist na pinagribayan ni Ms. Janice Orcega.
Sa opisina kan City Administrator, dagos naman na pinag-ngaranan si Benjie Gonzales na iyo pa an namamayo kan city planning office.
An mga opisinang ini inot naman na kinakaputan ni De los Santos na matukaw n asana bilang Secretary to the Mayor kan Iriga.
(OIC Melvin Barayoga, RPN DZKI Iriga)
(Source: LGU Iriga)