Baynte dos ka mga tawo ang naangol, lakip sa duha niini nga kritikal ang kahimtang sa pagka limbuwad sa canter/mini dumptruck sa Transcentral Hi-Way, Barangay Cansomoroy, Lungsod sa Balamban, pasado alas 11:00 sa buntag, Pebrero 28, 2021.
Labing bata nga kuyug sa maong sakyanan nag edad ug 4 anyos, samtang ang labing edaran 57 anyos.
Matod ni PMSgt. Alvy Agua sa Balamban Police Station nga nag padung sa lungsod ang maong sakyanan, dihang nawagtangan kini ug break sa paglugsong.
Gihulagway ang hitabo nga self-accident.
Makita sa hulagway ang mga biktima daplin sa dan nga gitabang sa rescue/emergency group.
Sud sa usa ka dekada, mi-abot na ug 32 ang patay ug 75 ang injured basi sa vehicular accident toll board nga gimontar sa Sitio Mayana Barangay Gaas, Lungsod sa Balamban.
“SO DO YOU WANT TO BE A NUMBER,” pangutana nga napatik sa vehicular accident toll board.
(Jhon Tadlip, Renante Lada)
(Source: Municipality of Balamban Police Office, photo courtesy of Regional Hi-Way Patrol Unit-7)
