Cebu City – Duna nay go signal ang reclamation project sa lungsod sa Minglanilla, Probinsya sa Sugbo.
Kini human ang Philippine Reclamation Authority (PRA) mi issue ug Notice to Proceed (NTP) sa proposal nga mag himo ug 100-hectare reclamation project sa nahisgutang lugar.
Gi-anunsyo kini sa Real estate developer Cebu Landmaster Inc. (CLI) ang maong kalambuan sa recent filing sa Philippine Stock Exchange (PSE).
“In its Resolution 5389 series of 2021, the PRA Board of Directors unanimously approved the NTP, which will pave the way for the creation of a techno-business hub in Minglanilla with a fully integrated port facility,” nagkanayon ang tipik sa filing.
Gipahibaw sab sa CLI nga ang bidding ug awarding of contracts ngadto sa mga contractors ug suppliers gitakdang sugdan atol sa last quarter ning tuiga.
“Actual reclamation is targeted by 1st half and 2nd half (of) 2022,” dugang pahibaw niini.
Gitawag kini ug Minglanilla Techno-Business Park o Mingla-More, ang maong proyekto dunay gahin nga mokabat ug ₱ 20 billion ug mo undertake niini ang CLI subsidiary Ming-More Development Corporation.
Ang reclaimed area gi designed nga mo host ug mo integrate sa commercial, industrial, civic ug recreational components.
Gilauman nga mo generate ug 75,000 jobs ang maong multi-million project.
Ang Ming-More maoy ika-tulo nga labing dako nga township project sa CLI.
Tua nahimutang ang ubang mga proyekto sa syudad sa Davao ug Cagayan de Oro sa Mindanao.
(News & photo courtesy of Philippine Reclamation Authority, Cebu Landmasters Inc.)