30.9 C
Manila
Friday, March 29, 2024

Cagayan de Oro: Makapagrabe Sa Mga Risgo Pagkaylap Sa COVID Infection Gibatbat Ni PIATF Chief Calingasan

- Advertisement -

Mihatag og dugang kasayuran si Dr. Jerie P. Calingasan isip Provincial Inter-Agency Task Force Chief sa Misamis Oriental mahitungod sa mga posibleng rason nga mograbi ang risgo sa pagkaylap sa CoVid infection.

Atol sa senemanang pagpakayab sa nasudnong bandila sa Kapitolyo Probinsyal pinaagi sa virtual niadtong Oktubre 4, 2021 subay sa padayong pagkigbatok kontra CoVid-19 nga kasamtangan pa gihapong naghatag kalisang sa tanan, misentro sa kamahinungdanon sa pagmatngon sa insaktong impormasyon mahitungod sa mga risgo dala niini.

Gipasabot una ni Dr. Calingasan ang vaccine type nga madawat sa katawhan nga dunay naobserbahang pag-ubos sab sa antibodies sa lawas sa kadugayon sa panahon, sama nalang nga kung ang vaccine nga dunay 94% efficacy rate nasuta nga moubos kini sa paglabay sa mga bulan.

Kini ang hinungdan nga gikinahanglan gayod ang pagbaton sa booster doses nga kasamtangan nang gisugdan og tupok sa ubang parte sa kalibutan.

Ikaduha ang oras o adlaw gikan nabakunahan kung asa matud pa sa pagsusi nga human ang unom ka bulan dunay tendency nga mohinay ang kapasidad sa pagpakgang o pagpatay sa virus.

Lakip sa gibatbat sa PIATF Chief lakip ang CoVid-19 variants kung Delta, Alpha o Beta sa basehanan nga posibleng makapagrabi sa pagkaylap sa infection sumala sa unsa nga bakuna ang itupok tungod anaa gayod mga less protective batok CoVid variants.

Samtang ang Immune System ang ikaupat ug ulahing butang nga gipasabot ni Dr. Calingasan nga kinahanglang hingusgan sa usa ka indibidwal ang iyang immune system aron maka-prodyus og antibodies batok infection.

Sukwahi niini nga lakang mao ang pagkaylap samot sa mga positibong kaso sa nasangpit nga makamatay nga virus.

Kanunayng pagdasig sa kagamhanang probinsya ubos sa liderato ni Gobernador Bambi Emano sa pagpangulo sa pwersa sa PIATF nga dili magmakuli sa pagsunod sa mga safety health protocols ug tanang gipatumang guidelines sa PGMO aron dili na mograbi pa ang CoVid kon mopadulong ngadto sa outbreak. (Rejiann Ammor R. Maygay)

(Source: PHIO-MisOr | Misamis Oriental Provincial Information Office Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -