25.3 C
Manila
Tuesday, February 27, 2024

Dipolog: Blessing Ug Inauguration Sa Balay Silangan Dinhi Sa Dakbayan Gipahigayon

- Advertisement -
Pormal nga gipahigayon kagahapong adlawa, Oktubre 7, 2021 sa may alas 9:00 ang takna sa buntag ang Blessing and Inauguration Ceremony sa “BALAY SILANGAN” dinhi sa dakbayan nga nahimutang didto sa Livelihood Skills Development and Enhancement Center (LSDEC) Compound, sa Barangay Galas, ning siyudad.
Ang nasangpit nga kalihokan ang gitambongan ni City Mayor Darel Dexter T. Uy, uban sa pipila ka mga opisyal gikan sa nagkalain-laing mga ahensiya sa kagamhanan ug sa pribadong mga institusyon.
Sa pagsugod, usa ka hamubong programa ang gipahigayon nga gibuksan pinaagi sa pag-ampo nga gihimo ni Pastor Michael U. Venegas nga gisundan sa Welcome Message ni Dipolog City DILG City Local Government Operations Officer, Sherrie Charlota Machutes.
Misunod usab dayon si City Mayor Darel Dexter T. Uy dinha sa pagpabati sa iyang mensahe nga nagpadayag sa todong suporta sa iyang liderato ngadto sa mga programa sa atong kagamhanan sama niining Balay Silangan Program, nga gilusad alang sa kaayohan sa atong mga katawhan.
Misunod usab sa pagpabati sa iyang mensahe si DILG Regional Director, Paisal O Abutazil, diin sa iyang mensahe, iyang gipadayag ang iyang mainitong pahalipay sa dakbayan tungod sa bug-os nga suporta gikan sa kagamhanang lokal sa Dipolog pinaagi ni Mayor Uy, sa paghatag og katumanan alang sa usa ka Balay Silangan, diin matud pa niini, nga sa tanang mga Balay Silangan nga iyang nabisitahan dinhi sa Zamboanga Peninsula Region, ang Dipolog ang nagbaton sa dako nga espacio nga haom alang sa mga kliyente niini, gani, kining atong Balay Silangan dinhi ang matud pa mahimong pang ika-indigay ngadto sa laing mga rehiyon.
Human sa hamubong programa, gihimo ang pag-bendisyon sa nasangpit nga edipisyo nga gisundan dayon sa “cutting of ribbon” lakip na ang mga amenidad niini nga gihimo nila ni City Mayor Darel Dexter T. Uy ug DILG Regional Director, Paisal Abutazil, sinaksihan nila City Vice Mayor Horacio Velasco, Police Provincial Director, Col. Giovanni Hyecinth Callao, City Parole and Probation Officer, Jeanette F. Requina, City DILG Officer, Sherrie Machutes ug PDEA Agent May Lagarnia.
Ang maong programa ang gitambongan usab sa mga ahensiya ug pribadong kahugpungan isip mga “lined-agencies”.
Mitambong usab sila si Liga ng mga Barangay President, konsehal Julius Gajonera, konsehal Marilou Calibo, konsehal Praxides Rubia, konsehal Eduardo Baron ug konsehal Jasmin Lagutin.
Gawas niini, mitambong usab nga hepe ug representante gikan sa mga lain-laing buhatan sama nila ni CSWD Officer, Arlene Jatico, Dipolog Chief of Police, Lt. Col. Kishna b. Asaali, TESDA Provincial Director, Miraluna Baje-Lopez, Mrs. Lourdes Amores sa DOLE, Ms. Annabella Jatico nga nag-representar ni DILG Provincial Officer, Oliver Ombos, City Parole and Probation Officer, Jeanette Requina, Pastor Michael Venegas sa Gabay Agak sa komunidad, ug City Health Officer, Dr. Rowel J. Mata.
 
Lakip sa mga ahenisya nga mitambong usab mao ang DepEd, PDEA ug daghanan pa.
Kahibalo-an nga ang pagmugna sa Balay Silangan dinhi sa atong dakbayan maoy pagsanong ngadto sa programa sa atong nasudnong kagamhanan, diin tuyong gimugna sa tumong nga kahatagan sa maayong kaugmaon ang atong mga kaigsoonan kinsa nalambigit sa droga ug kahatagan sa bag-o ug maayong kaugmaon human sila ipa-ilawom sa usa ka reformation ug sa pagtu-on kanila sa nagkalain-laing bansay-bansay sa panginabuhi nga ilang sarang magamit dinha sa ilang pag-bag-o.
Ang Balay Silangan dinhi sa dakbayan ang ubos sa pagdumala ni LSDEC Livelihood Operation Manager (LOM) Flora Atamosa, ning dakbayan. (City Information Office)
(Source: Dipolog City Government Facebook page)
- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -