Handang sagutin ng Moro Islamic Liberation Front (MILF) ang petisyong inihain ni Sulu Governor Abdusakur Tan sa Korte Suprema kaugnay sa constitutionality ng Bangsamoro Organic Law (BOL).
Kasabay na rin ito nang pagkilala ng MILF sa anito’y karapatan ni tan na kuwestyunin ang BOL.
Binigyang diin ng MILF na walang nilalabag na batas ang BOL na resulta ng labing pitong taong negosasyon at masusing konsultasyon sa mga stakeholders, legal experts at constitutionalists.