Nakit-an nalang nga wala nay kinabuhi ang usa ka panday sa sapa didto sa Barangay Lamacan, lungsod sa Sibonga, probinsya sa Sugbo, kagahapon sa buntag, Mayo 2, 2024.
Ang biktima giila sa Sibonga Police Station nga mao si Reno Superales Lacataria, 60 anyos ang panuigon, residenti rapud sa maong lugar.
Sa inbestigasyon sa Sibonga Police Station nasayran nga ang biktima uban sa iyang mga kauban sa trabaho ug igsuon nag inum anang gabii.
Matod pa sa ilang kahubog nagkalalis sila si Rolando Gemongala, hingkod ang panuigon ug si Lacataria.
Nagkasumbagay kini diin ni dagan si Lacataria paingon sa sapa nga posibling nahulog og napantok ang ulo sa bato na maoy hinungdan sa kamatayon niini.
Sa pagkakaron padayon ang inbestigasyon sa kapulisan maoy labot sa maong panghitabo ug gi kustodiya pa usab ang suspetsado nga kainom sa biktima. (Renante Socia Lada)