Kahadlok ang gibati karon sa mga canning workers sa Gensan. Kini ang pipila sa mga nahimong reaksiyon sa mga trabahante nga naga duty gihapon sa kasamtangan human gikumpirma sa Department of Health alas 5 ang takna sa hapon petsa 7 ning bulana ang unang kaso sa nag positibo sa covid 19 diin nasayran nga usa ka 59 anyos ang nahisgutang pasyente.
Sumala pa sa mga trabahante katungod matud pa nila ang ma proteksyonan usab hinungdan nga mohangyo sila ngadto sa mga kadagkuan sa syudad partikularmente kay mayor Rivera aron tun an ang temporaryo nga pagpaundang una sa ilang operasyon.
Kahinumduman nga nagpagula na si Mayor Ronel Rivera ug temporyong suspensiyon sa tanang home quarantine pass gikan sa adlaw nga hwebes hangtud dominggo aron ipahigayon ang contact tracing sa unang kaso sa nagpositibo sa covid 19 sa syudad.Sa laing bahin posibleng maka himo ug dakong epekto sa ekonomiya sa syudad ug kawalad on ang posibleng pag pa hunong sa operasyon sa food production sa dakbayan.