29.7 C
Manila
Thursday, April 25, 2024

Upat Ka Sunod-Sunod Nga Linog Mitay-Og Sa Cebu Ug Ubang Bahin Sa Region 7 Kagabii

- Advertisement -

Cebu City- Upat ka linog ang sunod-sunod nga mitay-og sa Central
Visayas kagabii sulod lang sa 30 minutos.


Nianang alas 8:30 sa gabii, ang mga state seismologists
nakatala og magnitude 4.4 nga pag-uyog sa yuta sa gilay-ong
40 ka kilometro amihanan sa Maria, Siquijor. 

Ang linog nga tectonic ang origin nabatyagan sa
Instrumental Intensity I sa Sibulan, Negros Oriental, segun pa sa
Philippine Institute of Volcanology & Seismology kun Phivolcs.
Laing pagtay-og nga may gikusgong 2.8 magnitude ang
miigo paglabay sa 12 minutos kansang epicenter nahimutang sa
lungsod sa Alcoy, Cebu.

Ang ikatulong linog nga aduna lay gikusgong 1.4
magnitude nabatyagan sa gilay-ong 44 ka kilometro kasadpang
bahin sa Lila, Bohol nianang alas 8:45 sa gabii o 3 minutos
human sa pagtay-og sa Cebu.

Pagka alas 8:48 sa gabii miigo usab ang ikaupat nga linog
nga adunay gikusgong 2.3 magnitude sa Siquijor.

Hinuon, matod sa Phivolcs, walay nahatag nga kadaot o
aftershocks nga mitumaw gikan sa upat ka sagunsong pag-uyog
sa Cebu ug ubang bahin sa Kabisay-an.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -