Cebu City – Gihulagway nga “abandonadong building” gigamit nga storage area sa mga patayng lawas sa tulo ka mga funeral parlors sa Dakbayan sa Sugbo nga gi ingong “walay pagtugot” sa kagamhanan.
Gibutyag ni Cebu City Councilor Dave Tumulak nga dunay naka tip niya labot sa dili kasarangan nga presensya sa mga lawas didto sa nahisgutang building nga nahimutang sa Dan N. Bacalso, Barangay Mambaling, Agosto 17, 2021.
Pag-abot sa area, nakita ni Tumulak ang mga sakyanan sa tulo ka mga funeral parlors nga nag diskarga ug mga lawas.
“Ug morgue ni siya, ing ani inyong morgue nga pagka hugawa naman,” pangutana ni Konsehal Tumulak.
Ang pasiunang imbestigasyon nagbutyag nga dunay mga lawas sa sawg atol sa pag inspection.
Matod sa konsehal nga iya nang gipatawag alang sa tigom ang tag-iya o representanti sa tulo ka mga funeral parlors, Martes, Agosto 17, 2021.
Sa ilang bahin, gipadayag ni SJ Palomar, anak ni Jeffrey Palomar, kinsa tag-iya sa St. Bernard Funeral Parlor nga dili abandonado ang maong building, ug aduna kini permit.
Dunay average nga lima ka patay nga i storage kada adlaw, dugang pa sa upat ka patay niadtong tuig 2020 nga wala pa ma claim ug malubong.
Sigon pa ni SJ nga mao kini una nilang Morgue sukad niadtong 2008.
Dihang gitawagan ni Konsehal Tumulak ug gipangitaan ug permit si Jeffrey, misanong ang nauwahi nga dad-on niya ang sanitary permit.
Giangkon ni sa anak nga dunay mga lawas nga nabutang sa semento ug kadtong naa sa semento nga upat kabook, pag arrange adto na timing nga nabutang sa sawg.
Gipahibaw sab niini nga food freezer ang gigamit nila nga storage sa mga lawas ug sa pag susi dunay nakita nga upat ka mga freezer nga gigamit.
Giangkon sa anak sa tag-iya nga walay baho, wala tanan ug matod po, kung mabahuan sila, ang mga Muslin na una unta sila.
Apan dihay usa ka residente sa dool, mipahibaw nga dunay mga higayon nga dunay manimaho sa lugar.
Suma pa ni SJ nga tabang lang ning ilaha sa ubang mga Funeral Parlors ang storage samtang dili pa ma cremate, nga molanat ug tag 10 ka adlaw ang average nga pagpa-abot nga ma schedule ug sunog.
Samtang si Cebu City Health Acting Chief Jeffrey Ibones mosusi kung ang storage sa mga lawas legal ba o dili.
Wa pa sad masayri kung ang tanang mga lawas sa area mga Covid-19 patients o dili.
Basi sa datus sa Department of Health ang Syudad sa Sugbo naka tala na 112 ka mga namatay sa 15 ka adlaw sa buwan sa Agosto. (Jhon Tadlip Jr.)
(News & photos courtesy by Cebu City Councilor Dave Tumulak)
