Cebu City – Mipagawas sa ilang joint statement ang walo ka mga Legislators sa Probinsya sa Sugbo sa nga nag demand ug retraction sa published statement sa infectious disease specialist nga gi ingong nag blame sa pagsaka sa Covid-19 cases gumikan sa gihulagway nga “less stringent” protocols sa Lalawigan.
Sa gipagawas nga statement, Agosto 16, 2021, pinirmahan nilang Rep Eduardo Gullas, Pablo Jhon Garcia, Wilfredo Caminero, Janice Salimbangon, Emmarie Ouano ug Sonny Lagon, ilang called out si Salvana sa ilang gihulagway nga “irresponsible and misplaced statement that instigated unnecessary panic, anger, and fear among Cebuanos.”
Ilang gitumbok si Salvana, kinsa mi attribute sa spike sa Covid-19 ug ang pagkatap sa delta variant sa Mindanao nga gumikan sa sa swabbing policy sa lalawigan sa Sugbo sa mga Overseas Filipino Workers (OFW) ug Returning Overseas Filipinos (ROFs), ug nakalimot nga ang pagkatap sa variant mamahimong gikan sa local transmissions sa mga tawo gikan sa Metro Manila ug ubang mga lalawigan gumikan sa loopholes sa IATF-MEID protocols.
Gipadayag sa maong mga magbabalaud nga ubos sa swab-upon-arrival policy nga gipatuman ni Governor Garcia, ang mga OFWs ug ROFS, i swab dayon inag abot ug kong mag negative kini sa RT-PCR test result, tugtan silang maka dritso sa balay ug magpadayon sa nahibilin nilang quarantine period.
Nabantayan nila nga homan sa double-swab policy nga gipatuman, dunay steady nga pag us-us sa gidaghanon sa active cases sa Sugbo gikan sa 1,057 sa buwan sa Marso 31, 2021 ngadto na sa 367 pagka Mayo 30, 2021.
Si Dr. Salvana sa iyang bahin, mipasabot nga wala niya gi blame ang Sugbo, iyang tumong mao ang pagtinabangay nga masulbad na kining pandemya.
Niadtong buwan sa Hunyo mibisita ang mga sakop sa IATF dinhi sa Sugbo aron maplansa ang mga isyu tali niini ug sa Lalawigan labot sa palisiya nga gipatuman labot sa mga ROF ug OFW nga manguli sa lalawigan. (Jhon Tadlip)
(News & photo courtesy of Cebu Provincial Government)