Mga pasaherong stranded sa pantalan dahil sa bagyong Ursula pumalo na sa 10K

Umabot na sa mahigit 10,000 ang bilang ng mga pasahero sa mga pantalan kahapon, Disyembre 25, araw ng Pasko.

Batay sa huling tala ng Philippine Coast Guard (PCG), may kabuuang 10,784 ang pasaherong na-stranded na karamiha’y mula sa northern Mindanao.

Sumunod naman sa pinaka maraming bilang ng pasahero ay mula sa south-western Mindanao na may mahigit 3,000 ang bilang.

Pinayuhan naman ng PCG ang mga biyahero na manatiling alerto at sumunod sa mga alituntunin ng mga pantalan.