Mga pasahero sa pantalan umabot na sa higit 80,000 ilang araw bago ang Undas

Umabot na sa mahigit 80,000 pasahero ang dumaragsa sa iba’t ibang pantalan upang lumuwas sa kani-kanilang probinsya, ilang araw bago ang Undas.

Ayon sa Philippine Coast Guard (PCG), pinakamarami ang naitala sa Western Visayas na 16,000 habang tig-10,000 sa Central Visayas at Southern Tagalog.

Unti-unti na ring lumolobo ang bilang ng mga biyahero sa Southern Visayas, South Western Mindanao, Palawan at Northern Mindanao.

Samantala, ilang pasahero naman ang nagmamadaling makabiyahe upang maiwasan ang aberya sa gitna ng inaasahang pananalasa ng bagyong Rosita.

—-