Nidagsa karon ang bagang duot sa mga bokya sa kadagatan sa Napaling, Barangay Tangnan, lungsod sa Panglao, Bohol.
Nunot niini ang lokal nga kagamhanan adunay pahimangno sa publiko sa buot maligo sa maong lugar nga likayan lang una ang pagpangaligo ug sa mga nagkadaiyang mga kalihukan sa pag diving ug snorkeling.
Ang maong daghang bokya nakuhahaan og hulagway sa usa ka Korean diver nga niabot sa presensya sa kagamhanan ug Tourism Office sa maong lungsod.
Ang bokya o jellyfish magdala kini og katol kung ang tawo mapitlan niini nga posibling ikamatay.
Sa pagkakaron ang Bureau of Fisheries and Aquatic Resources 7 padayong nag awhag sa publiko na maglikay sa bokya aron dili mahigagom sa kadaot niini. (Renante Socia Lada)