Cagayan de Oro – Misalmot sa nationwide unity Walk ang nagkalain lain transport sector ning syudad, lakip sa mga misalmot ang mga operators diin muabot sa gatusan ang ihap kini kabahin sa ilang pagpadayag sa pagsupak sa resolusyon sa Senado nga magsuspenso sa Public Transport Modernization Program kon PTMP.
kahinumduman nga mismo si NOMFEDTRASCO CEO ug PONTRANSCO Manager Luzminda Escobidal nasubo sa maong panawagan sa Senado diin mahimong masayang lang ang ilang mga nasugdan alang mapatuman ang pagpalambo sa transport sector.
DIin siya mismo ang nag-aghat sa tanang mga misuportang katawhan sa Modernization nga moduyog sa ilang himoon nga pagpadayag sa kadalanan alang kini madunggan sa kaulohan.
Hisayrang miperma na karon ang 22 ka mga Senador gawas kang Sen. Hontiveros sa resolusyon nga nagsulong nga temporaryong suspendihon ang pagpatuman sa Modernisasyon alang matubag ang mga dili matud pa maayong epekto niini sa pipila ka mga dryber ug operator sa nasud.
News and photo by Radyo Ronda News TeamÂ