Mga na-impound na sasakyan sa kampanya vs. kulorum ng i-ACT pumalo na sa 400

Pumalo na sa higit 400 sasakyan ang na-impound ng Inter Agency Council for Traffic (i-ACT) sa kampanya nito kontra kulorum.

Ito ay ayon sa datos ng Department of Transportation (DOTr)  na nakalap mula unang araw ng Enero hanggang ika-31 ng Hulyo ngayong taon.

Maliban dito ay higit 10,000 ticket na rin ang inilalabas ng i-ACT dahil sa mga paglabag ng mga driver sa lansangan.

Kabilang sa mga naimpound na sasakyan ang daan-daang private sedans, jeep, motorsiklo, tricycle, van at taxi.