CAGAYAN DE ORO CITY- Gipamatud-an sa military ug kapolisan nga malampuson ug malinawon ang kapistahan ni Sr, San Agustin, ang patron sa syudad nga diin gihimo ang HIgalaay Festival 2019.
Taliwala pa man sa bahad nga isabotahe ang mga kalihokan apan wala kini milampos. Malinawon ang mga kalihokan bisan pa man sad sa 138 ka mga contigents sa Higalaay Civic Military and Floats Parade nga nga gipahigayon niadtong Martes, Agosto 27, 2019.
Sumala pa ni Police Lt. Col Reynante Reyes, deputy city director for Administration sa Cagayan de Oro City Police Office o COCP nga nakaab-ot ang maong kalampusan tungod sa kooperasyon sa publiko.
Sa iyang kabahin, si Mayor Oscar Moreno mapasalamaton nga wala matugaw ang dakbayan sa pagsaulog sa fiesta niini ilabi na kay ang mga kalihokan halos matag adlaw nga gihimo sud niining bulan sa Agosto.