Cebu City – Gi-warningan sa lokal nga kagamhanan sa Syudad sa Sugbo pinaagi sa Cebu City Transportation Office (CCTO) ang mga motorcycle riders nga dili mag stunt samtang mag drive sa public roads sa syudad, Mayo 20, 2021.
Basi kini sa daghan nilang nadawat nga reports, partikular na sa mga concerned citizens nga dunay mga motorcycle riders nga mag stunt sa mga dagkong kadalanan sa dakbayan.
Gumikan sa nagka daghan na karon nga mga motorcycle riders group sa Metro Cebu, daghan na sab ang mo show sa ilang motor driving stunts o skills.
Usa na niini ang sikat sa riders Community nga si Jet Lee o si Ma. Rica Cabarrubias nga taga Talisay City, Cebu.
Hinoon, matod pa ni Jet Lee nga mi hunong na siya sa stunts tungod kay na busy na siya karon sa mga endorsement sa mga produkto ug mga serbisyo in line sa iyang hilig.
Samtang si Land Transportation Office 7 Regional Director Victor Caindec mipahimangno sa mga motorista nga magbantay sa gitawag nga Blind Spots labi na nga nagka daghan na ang mga bag-ong nanag-iya ug motor sa Rehiyon 7.
Matod ni Caindec nga angayang magbantay ug mo distansya sila sa blind spots partikular na diha sa kilid, atubangan ug loyo sa mga sakyanan. (Jhon Tadlip/JTY)
(News & photos courtesy of Cebu City Traffic Office | Jet Lee)