Cebu City – Gitataw sa Department of Health o DOH 7 nga ang kamatayon sa pipila ka front-liners sa Central Visayas nga gidapatan sa bakuna dili direktang konektado sa inoculation.
Si Dr. Mary Jean Loreche, tigpamaba ug chief pathologist sa DOH-7, namahayag sa virtual briefer nga walay direct link sa bakuna ang namatyan sa tulo ka healthcare workers.
Nakadawat og report si Loreche nga ang tulo nakasinati og grabeng adverse effects human mabakunahi.
Apan nasuta nga ang tulo namatay sa laing hinungdan.
Ang una, hospital worker nga taga Talisay City nga nadapatan sa Sinovac vaccine hubakon ug namatay sa respiratory distress.
Ang ikaduha, taga Cebu City nga mitaliwan sa sudden cardiac arrest human makadawat sa bakuna sa AstraZeneca.
Dili nila malambigit sa bakuna ang kaso bisag nahitabo kini tulo ka adlaw gikan sa inoculation.
Ang ikatulo, nahitabo sa Bohol diin ang front-liner namatay sa atake sa kasingkasing.
Sa dakbayan sa Lapu-Lapu usa sab ka sakop sa City Social Welfare Development office ang natamay gumikan sa pagka diabetic ug community acquired pneumonia.
Ang maong Social worker na bakunahan na sa unang dose sa vaccine. (Jhon Tadlip/JTY)
(Source: DOH-7)