Cebu City – Gipahinumdoman sa Department of Labor & Employment o DOLE7 ang mga kompaniya nga wa pa makahatag sa 13th month pay sa mga kawani nga ihatag na kini.
Si Luchel Taniza, information officer sa DOLE-7, miingon nga base sa balaod, ang 13th-month pay kinahanglang mahatag sa di pa ang Disyembre 24 o sama o mismong petsa.
Gipasabot ni Taniza nga ang mga empleyado nga nakaserbisyo na og usa ka buwan sa kompaniya apil sa maong benepisyo.
Hinuon, gitataw ni Taniza nga pagkakaron, di pa sila maka atiman sa mga reklamo bahin sa wa paghatag sa13th-month pay kay wa pa man kini molapas sa deadline.
Giklaro usab niya nga ang 13th-month pay lahi sa bonus kay ang naulahi discretion o pagbuot ra man sa employer ilabi nag dakog kita ang kompaniya.
Midugang si Taniza nga ilang awhagon ang mga kompaniya pagduso og report labot sa ilang paghatag sa 13th-month pay. (Jhon Tadlip/JTY)
(Source & photo courtesy of DOLE 7)