Katorse ka mga kandidata alang sa Miss Earth 2019 ang nakabisita sa Misamis Oriental isip kabahin sa eco-tour nila nga parte sa pre-pageant acivities. Sila miduaw sa mga eco-tourism sites sa probinsya diin kagahapon sa Tubajon Aquamarine Park nananom pa sila sa mangrove trees. Ang Tubajon Aquamarine Park, giilang the cleanest coastal line sa Pilipinas.
Nalingaw ang mga kandidata sa ilang pagbisita sa MisOr diin ilang gidayeg ang kalinaw sa dapit ug sa mainitong pag-abi abi kanila sa katawhan. Gawas sa ilang pagtambong sa flag-raising ceremony niadtong Lunes sa kapitolyo-probinsyal mipahigayon pa sila sa usa ka Fashion Show sa Ayala-Centrio Mall.
Ang mga kandidata nga nakaabot sa Misamis Oriental mao sila si: Ms. Austria Melanie Gassner; Italy- Letizia Percoco; Croatia-Nera Nikolic; Malta-Alexia Tabione; Puerto Rico- Nellys Pimentel; Brazil- Maria Batistel; Paraguay-Jociani Daysi Ropossi; Kenya- Susan Kirui; Reunion Island- Anais Payet ; China- Hu Wentian;Â Tonga- Titania Tiara Monic Matekoulava; India- Tejaswini Manogna; Liberia- Georgia Bemah ug Vietnam nga mao si Haong Thi Hanh.