Cebu City- Nahukman sa mga organizer nga ikanselar ang gihan-ay nga kalihokan alang sa kasaulogan sa ika-500 nga anibersaryo sa kristiyanismo sa Cebu.
Sa nasayran, ubay-ubay nang events ug dagkong kalihokan sa Sugbo ang gisuspenso tungod sa hulga sa coronavirus disease kun Covid 19 ug ang labing ulahi kining Quincentennial celebration sa unang circumnavigation sa kalibotan ni Ferdinand Magellan.
Pinaagi sa Facebook page, ang National Quincentennial Committee kun NQC mipahibawo nga ilang gipadaplin ang pipila ka tulumanon nga gitakda unta karong buwana ug sa sunod buwan taliwa sa uwahing kaugmaran sa Covid 19.
Segun sa advisory, human sa konsultasyon sa mga stakeholder, gikanselar sa NQC ang giandam nga kalihokan alang sa 2021 Quincentennial Commemorations in the Philippines.
Lakip sa mga kalihokan nga gikanselar ang ikapito nga Quincentennial Lecture Series sa Pasay City nga gitakda sa Marso 16, ikapito nga Local Historical Committees Network General Assembly sa Cebu Citysa Abril 26,ikapito nga International Conference of the International Council on Historical and Cultural Cooperation-Southeast Asia sa Cebu City gikan sa Abril 27 ngadto sa 29, ug paglusad sa National Memory Project sa Cebu City sa Abril 28.