Mga ECQ Violators Nga Langyaw Gipahimangnuan Ni Labella Nga Mosonod Sa Protocol

0
16

Cebu City – Gipahimangnuan ni Cebu City Mayor Edgardo Labella ang mga langyaw nga kinahanglang mosunod kini sa tanang lagda ug regulasyon sa siyudad ubos sa GCQ o general community quarantine.

Atol sa iyang pagsiksik sa mga dinakpan sa quarantine protocols nga gipahimo og community service sa Plaza Independencia gahapon, nakita sa mayor ang usa ka Canadian nga usa sa nadakpan.

Nangatarongan ang  Canadian nga wa siya masayod nga nagkinahanglan diay og pases ang paglaruylaroy sa palibot sa siyudad.

Miapil usab ang Canadian sa mga violators nga nanambong og seminar bahin sa kahinungdanon sa pagtuman sa protocols.

Gitakda usab siyang mouban sa pagpahigayon sa lima ka bahin sa community service isip silot sa ilang kalapasan.

Gisultihan ni Labella ang langyaw nga bisan kon lahi kinig citizen apan kinahanglan nga masuheto kini sa mga lagda nga gipatuman sa siyudad ubos sa kwarantina.

Gipahinumdoman ni Labella ang ubang malapason nga makausa ra sila ipaubos sa community service.

Sa higayong madakpan sila pagbalik, pamultahon na sila og hangtod sa P5,000 o pagka preso og usa ka tuig. I via Jhon Tadlip/ JTY

 

(Source: Cebu City PIO)

Leave a Reply