Cebu City – Mitungtong na sa 10,451 ang tanang naulian sa coronavirus disease o COVID-19 sa Central Visayas hinungdang mius-os ang ihap sa aktibong mga kaso ngadto sa 5,507.
Segun sa report sa Department of Health o DOH 7, 298 ang uwahi nilang natala nga naka-recover.
Sa maong gidaghanon, 140 ang gikan sa Cebu City busa nahimo nang 5,992 ang tanang recoveries sa COVID-19 sa maong siyudad.
Samtang gikan sa 9,150 ka kaso, 2,623 na lang ang aktibo sa Cebu City.
Ang ubang pasyente nga bag-ong naayo, matod sa DOH 7, naggikan sa Talisay City nga adunay 55; upat sa Minglanilla; duha ka Consolacion; 49 sa ubang bahin sa Cebu province; 21 sa Mandaue City; ug duha sa Lapulapu City.
Nakatala usab ang DOH-7 og 93 ka bag-ong hitaptan sa virus sa rehiyon hinungdang miabot na ang tanan og 16, 876.
Ang uwahing mga nasakit sa Covid 19 gilangkoban sa 25 sa Cebu City; 17 sa Mandaue City; siyam sa Lapulapu City; upat sa Minglanilla; duha sa Consolacion; ug 33 sa ubang bahin sa probinsiya.
Midugang ang DOH 7 nga sa nahibiling 5,507 ka aktibong kaso sa Central Visayas, 1,407 ang naadmit sa mga ospital ug 4 mil ang ubos sa isolation. I via Jhon Tadlip/JTY
(Source: DOH-7)