28.9 C
Manila
Friday, March 29, 2024

Mga Closed Contact Sa Duha Ka Pasyente Sa Covid 19 Sa Lapulapu Nailhan Na

- Advertisement -

Cebu City- Nailhan na sa local nga buhatan sa panglawas sa dakbayan sa Lapulapu ang 80 porsyento sa mga tawong adunay kontak  o gikaduol sa duha ka positibo sa coronavirus disease kun Covid 19 sa maong siyudad.

Kini ang gibutyag ni Mitos Sheila Roco, coordinator sa Health Emergency Management Staff (HEMS) sa city health office sa Lapulapu.

Sumala pa ni Roco, sa unang pasyente, 51 ka tawo ang ilang nailhan nga adunay closed contact.

Samtang sa ikaduha, 42 ang giila sa CHO nga gikaduol busa ila na kining gimonitor ug gipaubos sa 14-ka-adlaw nga kwarantina.

Hinuon, gitataw ni Roco nga wala silay nakitang mga sintoma sa ilang mga nasubay ug pulos kini cooperative busa wala silay problema.

Sa sayo pa, gihulagway ang mga pasyente sa Covid 19 sa Lapulapu nga usa ka 70 anyos nga lalaki nga adunay anak nga doctor samtang ang usa 74 anyos na ug doktora ang asawa.

Gikuhaan pod og swab sample sa CHO Lapulapu ang duha ka trabahante sa unang pasyente nga nanglayas pagkasayod nga nataptan sa virus ang ilang amo.

Matod ni Roco, giila kini nga mga PUI kun patients under investigation dihang ang usa kanila nakabatyag og mga sintoma sa coronavirus.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -