Cebu City – Miabot na og 19 ang aktibong mga kaso sa coronavirus disease o Covid 19 sa lungsod sa Daanbantayan, Cebu tungod sa nadugang nga 15 ka bag-ong nagpositibo.
Ang tanang 15 ka uwahing gitakboyan pulos nagpuyo sa brgy. Maya ug mga close contacts sa Patient no. 75.
Ang bag-ong mga natakdan naglakip sa mga bata nga nag-edad og 2, 4, 9, 11, 12, 14, ug 16 anyos.
Segun sa uwahing bulletin sa lungsod, ang kadaghanan sa 15 ka kaso puro asymptomatic o wa magpakita og timailhan sa sakit gawas sa Patient no. 90 nga usa ka 71 anyos nga lalaki nga nakasinati og ubo ug nawad-an og sense sa panilaw.
Segun sa report, gipangda na ang mga pasyente sa isolation facility ug gipahigayon na usab ang contact tracing sa tanan nilang gikaduol.
Gawas niana, nakatala usab ang lungsod og unom ka pasyente nga naulian.
Tungod niini, aduna nay kinatibuk-ang 70 ka recoveries ang Daanbantayan, 90 ka kaso ug usa ka patay. (Jhon Tadlip /JTY)
(Source: Daanbantayan Public Information Office)
