Aron mahatagan ug solusyon ang problema ilabina sa fake news kon sayop nga impormasyon nga mikatag ilabina sa social media kon facebook. Gipatawag ni Gensan City Mayor Ronnel Rivera ug covid 19 command center head Atty. Arnel Sapatos ang mga representante sa nagkaiyang mga media outlets print, radio ug tv network ug gipasabot ang kabahin sa kampanumya batok covid 19.
Gilantaw matud pa sa maong mga opisyal sa syudad ang media isip partner sa LGU sa pagpakayag ug saktong impormasyon sa katawhan aron makumbinsi kining magpuyo sa balay ug dili manggawas kon walay saktong hinungdan aron malikay sa covid 19.
Samtang nanawagan ang Mayor sa tanan nga mokooperar sa panawagan sa gobyerno alang sa social distancing ug curfew. Samtang giklaro niini nga wala pay basihan ang pagpatuman sa odd even scheme sa mga sakyanan uh clustering sa mga barangay ug padayon pa kining gitun an ayha pa mopakanaug ug executive order aron basihan sa implementasyon sa matag checkpoint sa kapulisan.
Samtang matud ni atty. Sapatos nga ” flattening the curve “, maoy tumong sa LGU batok covid 19 ug gani nagpabilin pang covid free ang Gensan hangtud karong panahona.
Samtang mihangyo usab si Atty. Sapatos nga wala usay pulitika ilabina sa kampanya batok sa covid 19 ug hinuon magtinabangay para sa kaayuhan sa katawhan. “We move as one”, ang pahayag sa Mayor alang sa katawhan aron dili makasulod ang covid 19 diri sa dakabayan sa Gensan. Samtang hulaton na lamang ang EO sa Mayor sa pagmugna sa media task force aron makatabang sa pagalapnag sa impormasyon sa katawhan.
