Cagayan de Oro – Gikalipay ni Mayor Klarex Uy ang pagpagula og Writ of Preliminary Injunction kon WPI tungod kay mahatagan na sa hingpit nga kasiguradohan nga dili na gayud maputlan og supply sa tubig ang katawhan sa dakbayan sa Cagayan de Oro.
Kini human nagpagawas si Presiding Judge Jeoffre W. Acebido sa Regional Trial Court of Misamis Oriental – Branch 41 og Writ of Preliminary Injunction pinaagi sa usa ka resolusyon pinetsahan Hunyo 3, 2024.
Sa maong kamandoan sa korte, giingnan ni Judge Acebido ang Metropac Water Investments Corporation (MWIC), Cagayan de Oro Bulk Water, Inc. (COBI) ug Rio Verde Water Consortium, Inc. (Rio Verde) nga i-mintinar ang ‘status quo’, ug likayan ang paghimo’g aksyon nga moresulta unya sa pagkaputol o’ diskoneksyon sa supply sa tubig ngadto sa Cagayan de Oro Water District (COWD).
News and photo by CIO CDO