El mando provincial del policia na Sulu y Regional Mobile Force Battalion (RMFB)-Basilan, Sulu, Tawi-Tawi (BaSulTa) ay tene nuevo campo y mga edificio, respetivamente, na provincia del Sulu.
El nuevo campo del mando provincial ay construi na Barangay Bualo Lipid, Maimbung. El nuevo facilidad nombrao como el Camp Mayor Hadji Suod Tan.
Con mga edeficio del RMFB-BaSulTa ay construi na Barangay Matatal, Maimbung.
Si Police General Allan Nobleza, el director del Police Regional Office-Bangsamoro Autonomous Region (PRO-BAR), ya expresa su gratitud con el govierno provincial del Sulu por el constante suporta ta dale con el mando provincial del policia de Sulu.
El ceremonia del “ground breaking” para el mga proyectos ya conduci del Lunes y ya atende mga alto funcionarios del policia y govierno provincial del Sulu. (B. Garcia) (Photo Courtesy of PRO-BAR)
