Subling gihangyo ni Mayor Oscar S. Moreno si IATF chief implementer ug vaccine czar Carlito Galvez ug ang Department of Health nga kung mahimo direktang ihatag sa syudad gikan sa nasudnong kagamhanan ang alokasyon sa COVID-19 vaccines.
Pormal nga misulat si Mayor Moreno kang secretary Galvez sa tuyo nga makamugna og 1-month o bisan usa ka kinsena nga plano sa vaccine rollout ug mapalambo pa ang implementation sa vaccination program sa syudad.
Sigon sa COVID-19 vaccination – Data Management Group as of August 8, 2021, moabot na sa 222,025 ang nabakunahan, 71,499 niini ang complete doses ug 150,526 usab ang nahatagan sa first dose.
Target sa syudad aron makab-ot ang ‘herd immunity’ nga mabakunahan ang 518,518 ka mga residente.
Ang LGU-CDO adunay upat ka mega vaccination sites diha sa SM Downtown, SM Uptown, Limketkai ug Robinsons, samtang ang DOH/NMMC-led vaccination site anaa usab sa Centrio Ayala mall. (City Information Office)