Malampusong gisaulog sa virtual online ang Malungon Slang Festival 2020. Kini ang IP Celebration sa Malungon isip sa paghatag ug importansya sa kagikan ug kultura sa mga kaigsounang lumad partikularmente ang mga tribung Blaan ug Taga kaolo sakop sa munisipyo sa Malungon, Sarangani Province. Atul sa maong kasaulogan nag hatag sa iyang mensahe si Municipal Mayor Tessa Constantino pinaagi usab sa virtual medium nga kinasing kasing nga miawhag sa tanang katawhan sa Malungon nga mag kahiusa alang sa mas taas pa nga pangandoy nga kalampuson sa tibouk munisipyo.
Mihangyo usab kini sa tanang Tribal Leaders nga ipasa sa kabataan ang kahibalo sa pag ugmad sa kayutaan sa kaliwatang tribu. Giawhag usab niini ang mga kabataan Malungon nga higugmaon ang kaugalingong tribu. Pagpakabana gikinihanglan sa matag usa aron mapakita nato ang atong tinoud nga paghigugma sa atong kaugalingong dapit ug tribu.
Dugang pa sa mayora nga Kooperasyon, paghigugma sa kinaiyahan ug kultura ug labaw sa tanan disiplina maoy mga nag unang gikinahanglan sa padayong pagsubida sa Malungon. “Malungon is for CHRIST, if we continue to strengthen our faith with GOD , nothing is impossible” kini ang bug-at ug mahinungdanon kaayong mga pulong nga gibuhian sa mayora aron mahimong mas lig on ang matag usa sa ginaatubang nga pagsulay hilabi na niining panahon sa pandemya.
Kahibaluan nga kini na ang ika 13 nga tuig sa pag saulog sa Slang festival.
(OIC Cris Legaspi, RPN DXDX GenSan)