Cagayan de Oro City – Dugtong sa pagsaulog a National Rice Awareness Month, ang Department of Agriculture-Region 10 nanawagan sa pagsuporta sa lokal nga mga mag-uuma pinaagi sa pagpalit ug pagkaon sa local products. Matud pa ni DA-10 Regional Director Arlene Collado ilang gipalig-on karon ang pagproducer sa mga nag-unang pagkaon sa atong nasud uban ang pag-awhag sa katawhan nga mosuportar niiini ilabi na ang rice industry sa nasud.
Sa paningkamot nga matabangan pag-ayo ang mga mag-uuma ang DA ug ang National Food Authority o NFA-10 padayong nagtukmod sa competitive palay buying price. Ang NFA mahimong mopalit sa 8-10% sa palay production sa rehiyon nga equivalent kini sa 560,000-700,000 bags ilabi na kay ang rehiyon nagaproducer sa 7 million bags of palay matag production cycle.
Ang mga local government units sama sa Provincial Government of Lanao del Norte miabag usab sa mga local farmers pinaagi sa pagpalit sa palay ngadto na sa piso o dos pesos nga taas nga presyo kon itandi sa mga palay traders nga presyohan.
Sa Camiguin, sa Mambajao Municipal Agriculture Office uban ni Mayor Yñigo Jesus Romualdo nagsugilon nga nagpahigayon usab sila sa Rice Organic Technical Demonstration Activity karong bag-o sa Boloc-boloc, Poblacion aron pagsuporta sa maong tinguha. Ang DA-10 sa pikas bahin, naghatag sa farm machineries ug farm equipment ngadto sa mga farmer cooperatives ug associates aron pud masuportahan ang mga inisyatiba sa LGUs alang sa maong katuyuan. (Philippine Information Agency-10)
