Radio Philippines Network
DZRL Batac News Provincial News

Laoag City Government, Ar-Armaidenna Amin Ti Kabaelnna Tapno Awan Ti Umili A Sumurot Ti NPA

Mangnamnama ni Mayor Michael Marcos keon nga awan ti umili iti siyudad ti Laoag a makapanunot a kumappeng iti aniaman nga armado a grupo kas koma ti New People’s Army wenno NPA.

Gapu kunana ta ar-aramiden met ti gobyerno dagiti nadumaduma a programa a pannakapasayaat ti biag dagiti umili kangrunanana kadagiti agnanaed kadagiti nalengleng a barangay.

Masansanen iti pannakabisita da babaen kadagiti nadumaduma nga ahensiyas ti gobyerno, pannakaipaay kadakuada dagiti pagsapulan ken panangammo kadagiti problemada tapno maaksyonan nga insigida.

Paset daytoy ti nabukel a Laoag City Task Force to End Local Communist Armed Conflict wenno CTF-ELCAC a naorganisar babaen ti Executive Order ti mayor ken kas suporta ti Executive Order No. 70 ni Presidente Rodrigo Duterte nga “Institutionalizing the Whole of Nation Approach to Attain Inclusive and Sustainable Peace in the Country”.

Kinumpirmaran ni Laoag City PNP Chief Rafael Lero nga awan dagiti residente iti siyudad a na-recruit a kumappeng iti npa. Maysa pay kuna ti hepe, makitan dagiti umili nga awan ti umno nga ilablaban itan dagiti rebelde a grupo no di ketdi ti ar-aramidenda itan ket mangbutbuteng ken terorismo nga aramid.

Ngem masapul laerng a talga a bayabayen ti gobyerno dagiti umili ken kankanayon a panangpalagip kadakuada ti madi nga epekto iti kumappeng iti NPA.

Kangrunaan ita a maik-ikkan ti atensyon ken pakaiwaywayatan dasgiti programa ket dagiti rural barangays iti siyudad kas koma ti Barangays Bacsil South, Bacsil North, Lataag, Lagui Sail, Salet-bulangon, Barit-pandan ken Vira.

Para met kenni Philippine Army 2nd Lt. Nochajie Jowadin, mangidadaulo ti Delta Company ti 24th Infantry Batallion a nakabase iti Ilocos Norte, ibilang koma dagiti umili a pagayam ken katulungan dagiti pulis ken soldado. Kas koma ita a panawen ti didigra kunana, dagiti pulis ken soldado ti mangidadaulo kadagiti Search and Rescue operation.

Mangnamnama met ti dilg iti suporta iti amin a sektor iti siyudad. Adda dagiti maipaskil a posters iti naduma-duma a paset iti siyudad a mangpalpalagip kadagiti umili iti dakes nga epekto iti isusurot iti NPA. (OIC Rod G. Sadian, RPN DZRL Batac)

(Source: LGU Laoag City)

Related posts

What Is General Community Quarantine?

RPN

EO 66 Giluwatan, DavNor MGCQ Hangtod Disyembre 31

RPN

NATIONAL TELECOMMUNICATIONS COMMISION (NTC) BUOT IPA-REHISTRO ANG MGA SIMCARD NGA GIGAMIT

RPN News