30.9 C
Manila
Friday, March 29, 2024

Malanit Na Privilege Speech Ni Konsejal Sonny Magistrado Kontra Ki Vice Mayor Oliva Kan Iriga, Pinaglalaoman Na Masusugpunan Pa Ngunian Na Simana

- Advertisement -

Iriga City — Pinaglalaoman na masusugpunan pa an mainit asin may patamang privilege speech ni konsejal Sonny Magistrado kan Iriga kontra ki Vice Mayor Rex Oliva asin pag-iriba.

Ini an napag-araman kan Radyo Ronda, kasunod kan pinaglalaoman na privilege speech kan Vice Mayor sa sunod na session tanganing simbagon an nasabing akusasyon sa saiya asin mga pag-iriba.

Magigirumduman na ipinahayag ni Magistrado na mayo na nin ibang nahaman an grupo ni Oliva kundi an ulangon an ano man na kaisipan kan Sangguniang Panglungsod kasabay na an pag inpluensya sa Sangguniang Panglalawigan tanganing duman ibasura.

Inakusaran pa kan konsejal an grupo ni Oliva na anti-progress kan cuidad nin Iriga asin gabos na nasa isip iyo an politika.

Sinabi kan kampo ni Oliva na naka-andam sinda tanganing ini simbagon, na naulang sana kan nagtalikod na simana santa.

Si Oliva asin Magistrado iyo an pinaglalaoman na masabatan sa masunod na eleccion digde sa cuidad kan Iriga.
(Melvin F. Barayoga, RPN DZKI Iriga OIC)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -