Malampuson nga gipahigayon ang Courtesy Call sa ZNPPO Press Corps officers and members ngadto sa newly-installed Provincial Director nga si PCol Rainier P. Diaz sa may ZNPPO Camp. Hamac Sicayab, Dipolog City, gahapong adlawa, Abril 3 ning tuiga.
Sa gipahigayong courtesy call gipangunuhan kini ni PMajor Vincent Vertudazo, PCADU Chief diin iya kining gisugdan sa pagpa-ila sa mga officers and members sa ZNPPO Press Corps apil na ni PCPT Charlot M Lapiz, Assistant Chief sa Police Community Affairs and Development Unit (PCADU). Gikahisgutan usab ni PLTCOL Vertudazo ang kanhi panag-uban tali sa ZNPPO ug sa PRESS CORPS atol sa pamunoan ni PD Glenn M Dulawan ug nanghinaot nga magpadayon sa pamunoan sa bag-ong Provincial Director nga si PCOL Diaz.
Gipresentar ni President Mishel Montederamos ang agenda sama sa pagbag-o sa ZNPPO PRESS CORPS By Laws engun man hatagan ang mga miyembro og kopya gikan sa ZNPPO alang sa mga komento, sugyot ug pagtul-id, usa ang final nga pagpatuman niini, ilabi na ang bag-ong ID ug uniporme ang ihatag ubos sa pagdumala ni PD Diaz. Gihisgutan usab ang team building ug uban pang aktibidad sulod sa probinsiya ug gihisgutan usab ang partisipasyon sa Hudyaka diin wala pa gayod tukmang petsa.
Gilakbitan usab ni PCPT Lapiz ang Privacy Act bahin sa Police blotter, police reports, ug uban pa diin ang pormal nga mga diskusyon nahimong nagmalampuson gumikan sa mga umaabot nga mga aktibidadis ubos sa pagdumala ni PD Diaz nga angay masayran sa tanan.
Sa katapusan nagpasalamat ug dako si PD Diaz gumikan sa aktibong presensya sa ZNPPO Press Corps ug nanghinaot kini nga magpabilin ang katakos sa suporta ug pagpaningkamot nga mahimong magmabungahon ang tanan. (Angelica Obina)
