Makati local gov’t ipinasara ang isang gas station

Ipinasara ng pamahalaang lungsod ng Makati ang gas station ng Phoenix Petroleum na nasa kanto ng Estrella at Evangelista Street sa Barangay Bangkal, Makati City.

Ito’y matapos lumitaw sa inspeksyon kasunod ng gas leak na wala itong business o mayor’s permit.

Sa nilagdaang order of desistance/closure ni City Administrator Atty. Claro F. Certeza at Atty. Michael Arthur Camina, city legal officer, lumalabas na malinaw na nilabag ng naturang gasolinahan ang revised Makati Revenue Code o Ordinance No. 2004-a-025.

Bukod sa pagpapasara sa gasolinahan, posible ring maharap sa kaukulang kaso ang may ari nito.